چارج لینے سے پہلے ہی قصیدہ خوانی: کیا یہ چاپلوسی ہے یا دھندے بچانے کی تڑپ؟ دیوبند کوتوالی کے نئے انچارج ہوں گے کپل دیو
- کیا دیوبند کوتوالی دلالوں کے شکنجے سے آزاد ہو پائے گی؟ یا چاپلوسی کے سائے میں پروان چڑھے گا جوئے اور سٹے کا دھندہ؟
- دیوبند میں نئے چہروں کے پاس کیا کوئی جادو کی چھڑی ہے یا پھر وہی 'فلاپ شو' ہوگا؟ بڑا سوال: کیا اشتہارات سے دیوبند کا بگڑا ہوا امن و امان سدھرے گا یا چاپلوسی کے بھیس میں چھپے سٹے بازوں کو ملے گا تحفظ؟
- چمچوں کی فوج تیار! نئے انسپکٹر کے آنے سے پہلے ہی نام نہاد صحافیوں اور سفید پوش دلالوں میں دوڑ؛ عوام نے پوچھا، کام دیکھے بغیر ہی مسیحا کیسے مان لیں؟
دیوبند: سہارنپور کے سینئر سپرنٹنڈنٹ آف پولی کی طرف سے آدھی رات کو کیے گئے بڑے تبادلوں کے بعد دیوبند کوتوالی کی کمان انسپکٹر کپل دیو کے سپرد کی گئی ہے۔ سرکاری پریس نوٹ اور انتظامی اشتہارات میں بھلے ہی اسے مجرموں پر بڑا حملہ اور 'نیا سنگھم' کہہ کر تشہیر کی جا رہی ہو، لیکن زمینی حقیقت اس کے بالکل برعکس اور انتہائی شرمناک ہے۔ حیران کن بات یہ ہے کہ نئے تھانہ انچارج نے ابھی دیوبند کوتوالی کی دہلیز پر قدم بھی نہیں رکھا ہے، سرکاری کرسی پر بیٹھ کر ضابطے کے مطابق چارج تک نہیں لیا ہے، اور دیوبند کے تھانیدار کے دلالوں و چاپلوس صحافیوں نے سوشل میڈیا پر ان کی قصیدہ خوانی اور کیرتن شروع کر دیا ہے۔
افسر کے آنے سے پہلے ہی انہیں مجرموں کا کال اور کڑک سپہ سالار قرار دینے کی یہ دوڑ صاف بیان کرتی ہے کہ ان چاپلوسوں کو دیوبند کے امن و امان سے کوئی لینا دینا نہیں ہے۔ انہیں مطلب ہے تو صرف اور صرف اپنی جیبوں کی گرمی اور غیر قانونی سیٹنگ سے۔ جیسے ہی کوئی نیا افسر آتا ہے، یہ دلال نیٹ ورک سرگرم ہو جاتا ہے تاکہ سب سے پہلے گلدستہ پیش کر کے اپنی شکل دکھائی جا سکے اور آنے والے دنوں میں کوتوالی کے اندر دلالی، غیر قانونی وصولی اور سیٹنگ کی دکانیں بغیر کسی رکاوٹ کے چلتی رہیں۔ دیوبند کے گلیاروں میں یہ بات کسی سے چھپی نہیں ہے کہ آج صبح سے جو لوگ سوشل میڈیا پر نئے صاحب کی آرتی اتار رہے ہیں، ان میں سے کئی ایسے چہرے ہیں جو خود صحافت اور سماجی خدمت کا لبادہ اوڑھ کر دیوبند تھانہ کے علاقے میں جوئے اور سٹے کا کالا سامراج چلا رہے ہیں۔
یہ ایڈوانس مبارکباد کا کھیل صرف اس لیے کھیلا جا رہا ہے تاکہ نئے صاحب کی آنکھوں پر شروع میں ہی پٹی باندھی جا سکے۔ دن میں سفید پوش اور صحافی بننے والے ان عناصر کا رات کو سٹے کا سنڈیکیٹ چلتا ہے۔ کوتوالی کے چکر کاٹنے والے ان 'تھیلا چھاپ' چمچوں کا بنیادی مقصد یہی ہے کہ پولیس انتظامیہ ان کے کالے کرتوتوں کی طرف آنکھیں موند کر رکھے۔ لیکن دیوبند کی زمینی حقیقت انتہائی خوفناک اور تشویشناک ہو چکی ہے۔ سچ تو یہ ہے کہ آج پورا دیوبند تھانہ کا علاقہ غیر قانونی دھندوں کا سب سے بڑا گڑھ بن چکا ہے۔ نشے کی بھرمار ہے؛ دیوبند کے کونے کونے اور گلی محلوں میں اسیک، چرس، گانجا اور ممنوعہ نشہ آور گولیوں کا کاروبار دھڑلے سے جاری ہے۔ پولیس کا خفیہ نظام پوری طرح مفلوج ثابت ہوا ہے، جس کی وجہ سے نوجوان نسل اس زہر کی گرفت میں آ کر پوری طرح برباد ہو رہی ہے۔
وہیں چوری، چھینا جھپٹی، غیر قانونی وصولی اور بدمعاشی عروج پر ہے۔ مجرموں کے حوصلے اتنے بلند ہیں کہ انہیں مقامی پولیس کا کوئی خوف نہیں رہ گیا ہے۔ حال ہی میں خانقاہ پولیس چوکی کے علاقے میں ہی کان کنی مافیاؤں کی رات کو محلے والوں کو دکھائی گئی بدمعاشی آپ کو یاد ہی ہوگی۔ اب دیوبند کی بیدار عوام کی نظریں نئے تھانہ انچارج کپل دیو پر ٹکی ہیں۔ عوام کے درمیان اب یہی سوال سب سے بڑا ہے کہ پوسٹروں والے 'سنگھم' تو بہت دیکھے ہیں، کیا زمینی سطح پر بھی کوئی دم دکھے گا؟ کیا نئے تھانہ انچارج دیوبند کو اس جرم اور نشے کے دلدل سے باہر نکالنے کی ہمت جٹا پائیں گے؟ کیا وہ چاپلوسی کا لبادہ پہن کر گھومنے والے ان سٹے بازوں اور جواریوں کو بے نقاب کر کے جیل کی سلاخوں کے پیچھے بھیجیں گے؟ کیا وہ ان دلالوں کے گلدستوں اور جھوٹی تعریفوں کے مایا جال سے بچ کر، سب سے پہلا ڈنڈا کوتوالی کا گھیراؤ کرنے والے ان چمچوں پر چلائیں گے؟
بتاتا چلوں کہ دیوبند کی عوام کو اشتہارات اور سوشل میڈیا کے جھوٹے پروپیگنڈے والے 'سنگھم' کی ضرورت نہیں ہے۔ عوام کو محفوظ سڑکیں، خوف سے آزاد ماحول اور نشے کے سوداگروں کا خاتمہ چاہیے۔ نئے انچارج کے لیے پہلی اور سب سے بڑی چیلنج مجرموں سے نمٹنا نہیں، بلکہ کوتوالی میں قدم جمانے والے ان دلالوں اور چاپلوسوں کی لنکا ڈھانا ہوگی۔ اب دیکھنا یہ ہے کہ نئے صاحب چارج لیتے ہی ان دلالوں پر کارروائی کرتے ہیں یا پھر دیوبند کا نظام اسی طرح چمچوں کے اشاروں پر ناچتا رہے گا۔
رپورٹ - دین رضا
